شبابك يا مصر قالوا ... ارحل بقي

شبابك يا مصر قالوا

يالي قاعد فوق في العلالي انزل ترجل

انما المقصود رحيلك عن بلادي 

روح للاعادي روح وارحل 

عن بلادي

مش هقول عن الفساد والتحكم بالعباد

مش هقول بعتونا ليه 

او حتي اقول زورتوا ليه

مش هاقولك عن حالتنا 

من البطالة والخيانة والعمالة

او حتي احكي عن اكوام الزبالة

مش هاطالبك بالعدالة

مش هاطلبك بالسيادة 

الشعب له حق الريادة 

في  عهدك انت 

مصر راحت منها السيادة

مش هاسالك ليه سمحت بالجدار

ليه علي اخوانا حصار

ليه تخون حق الجوار

مش هاهلل او حتي اصرخ

اسرائيل ده دولة فاجرة

مصر صابرة ... مصر ساكتة

للعرب خلتنا عبرة

مش هاطالبك بالعدالة

مش هاقولك خليني احارب

بس خليني اطالبك بالرحيل

يمكن انسي ظلم الرئيس للفقير

ده الفقير عاني واسي

ليه مصر علي العناد

اصحي بقي من غفوتك

اصحي وفوق 

الشعب قالها كلمته 

وباعلي صوت

كل القلوب اتوحدت علي كلمة واحده

هي الرحيل

ارحل بقي

...تابع القراءة

لو تسألونى انا مين اكون ؟

لو تسألونى انا مين اكون ؟
 

صعب اني  أرد

أوقات بحس عمرى سنين

كتير أوى مقدرش أعد

واوقات بكون بقلب طفل

فرحان سعيد ماعرفش غش

وأوقات بكون زى النسيم في كل ركن اقدر

اكون من غير ماحس 
 

وسعات بكون للدنيا مش قادر اعيش

ونفسي أهرب مي الحياه بدون ماحس

واوقات  بعقلى اقدر احس 

بالاقنعة بتزول وتسقط من كل وش

وأحاول أنسى أد إيه


في نفوس كتيره
 
مليانه ظلم تقدر تغش

طب جاوبوا انتم 

إنتوا مين

حاسيين بإيه

بتشوفو إيه فى دنيا قاسيه

تملى خادعه عيونا واحنا

لكدبها مصدقين

خايفين نقول يوم الحقيقه

إن السراب ده أصلها

وإن الصور أساسها وهم

ورغم ده بنحبها

والمستحيل بنعمله عشان ما نوصل

لقلبها

وهى غافله عن حبنا

أملها تحرق قلبنا

وتنتصر على عقلنا

...تابع القراءة

قصة زجلية : حوار الاحبة 3 ( رد الحبيبة علي الحبيب )

هـــــــــــــــــــــــــــي

امانى معاك وعمري فداك 

 

كفايه البعاد وخدني معاك 

 

فى أى مكان

اشاركك فى بعدك 

 

واضمك لحضني

واهون عليك عذاب البعاد

 

وان كان الامان هايبعد مابنا 

 

بلاش الامان وخليك معايا 

 

لحضني قريب 

 

حنانك وحبك هما الامان 

سايبنى لوحدى فى دنيا الغيلان

اصارع لوحدى...مش حقدر اكيد

وجودك معايا ...يهون عليا مآسي الحياه

ومعاك مش بخاف من اى ظلام

صدقنى يا عمري

 

معاك وانت جنبي

 

حنعمل كتير

ارجعلي حبيبي...محتاجه الامان

مشاعرك طوفان

 

وحبك  طوفان

بايه راح يفيدو...مدام من بعيد

ده برى وامانى فى قربك أكيد

...تابع القراءة

قصة زجليه : حوار الاحبة (2)

في حوار الاحبه واحد تناولنا رساله الحبيبه 

ويأتي دور الحبيب المسافر للرد علي محبوبته

هــــــــــــو

كلمه سلام
ده كلمه بسيطه لكن مش كفايه
توصف مشاعري تجاهك كمان
لكني هاقولها وراجع أكيد
لما يحل بأرضي السلام
والاقي ببلدي في يوم الامان
وأطمن فؤادك واقولك كمان
شايلك محبه في قلبي كمان
وجنب المحبه اكيد السلام
لكنه كلام مجرد سلام ونفسي
أعود لحضنك اوام
ده حضنك بحر من الحنان
واشاور في عقلي يقولي حرام
هاترجع لارض ماليها الغيلان
أكلوا وسموا الثمار في الغيطان
بفكر بعقلي وقلبي كمان
وان كان في البعد عنك دوقتي المر أوام
اكيد البعد عنك يحرق قلبي كمان
ده شوقي ومشاعري تجاهك طوفان
ياساكنه فؤادي وروحي كمان
ونفسي أعود وأوصل معاكي
لبر الأمان

...تابع القراءة

قصة زجليه : حوار الاحبة (1).

قصه زجليه من وحي الخيال تحكي عن عاشقين تبعدهما الحياه فيراسلون بعضهم
تعالوا معي نري ماذا قالوا

هـــــــــــــــــــــــــــــى




سافرت وهاجرت

وقلت..هترجع قريب

لكنك حبيبي طولت الغياب

اكيد في انتظارك

ده عهدي المحبه واصلي الوفاء

بستنى رجوعك بقالى كتير

فاكرني يا غالي ولا نسيتني

بعادك عليا ده مر وعذاب

بفتكرك حبيبي فى كل الاماكن

في صبحي وامسي هواك فيا ساكن

سنين جمعتنا وسنين غربتنا

وشافت دموعنا وحست فرحنا

فاكرها يا غالي ولا نسيتها

بفتكرك ليلاتي فى وقت الغروب

عيوني سهارا وقلبي غريب

بفتكرك فى لحظه

ماتخطر فى بالى

واسمك معدى بأى لسان

وبسال في نفسي بيفكر فى اسمى

ولا البعاد بينسى الحنان

بفتكرك فى ورده هديتهالى مرة

شايلاها معايا تهون عليا

بعادك يا غالي

فاكرها حبيبى وفاكر كلامك

باني عليك لايمكن واهون

وانك هاترجع وتوفي العهود

ارجعلى حبيبى انا فى انتظارك

كفايه بعاد انا قلبى فى مرار

ورد عليا لو حتى بسلام


اتمني ان تعجبكم قصتي حتي اكمل باقي الحوار

...تابع القراءة

معجباني في المحبه

معجباني في المحبه
والعشق سهاني
يا خاطفة منى القلب
النوم جافاني
أنا ياما شفت العجب
بس أنتى الى عجباني
لو تبعدي عني
الحزن بيجيني
ولما رجعتى يا قلبي
الفرح ياتيني
ومركب الاشواق 

تاخدني وتجبني
لبحرك وشطك اللى بعدت عنه
وعداني
وفي حضنك الى اتحرمت منه
شلني ورماني
وزي ماء الحياه
من تاني أحياني

...تابع القراءة

قصتي انا وحبيبتي والجنيه كامله

السلام عليكم ورحمة الله وبركاته

الف تحيه لكل الاعضاء الموجودين بالمنتدي التقيت بكم قراْت مشاعركم واعجبت بخواطركم

كتبت مشاعري لكم بكل صدق لعلي اصبت بها شي من مشاعركم

تعرفت عليكم من اقلامكم تعلمت منكم اشياء حفظتها في قاموسي

ارجوا ان تتقبلوا مني تلك الحلقات الزجليه
وعند نهايه كل حلقه سوف اتبعها باخري تكمله للقصه المرويه في حاله اعجابكم بها سوف اكملها بناءا علي طلبكم
لاني لا اعلم ان كانت ستعجبكم ام لا
ولكني اعتبرها محاوله مني كي اصل الي مسامعكم



تبداء حكايتي بيوم كنت اجلس فيه فوق الرمال علي الشاطئ القديم كنت اناجي حبيبتي

الحلقه الاولي

و شوشت الودع بكلام عنك و رميته فى الميه

رميت الودع و رميت معاه حلمى ايوه رميته بئديا

فى لحظه البحر عليا اتقلب و منه طلعتلى جنيه


قالت يابن ادم مابالك
ان كنت انا الانسيه
وكنت بمكانها
وكنت حبيبه ووفيه
فتجد معى الحب
واعطى لك العطيه
مال وجمال وسكون
واطرب اذنيك باغنيه

قلت لها جنيه
ملعونه غجريه
مابالك بحبيبتى
وما صوتك اغنيه
انى اعشق حبها
ولو كانت سوداء خمريه
فان قلبى يعشقها
وعينى تراها مثاليه

قالت بنو ادم كلكم
تعيشون الوهم بحلمكم
تاتو الينا لسحركم
وترفضوا العيش بظلكم

جئت اليك لانعيك
فقد حبيتك لارثيك
فاشفق عليك لارضيك
ومعى مال يغنيك

قلت لها مابالك
بالذى يشغل احلامك
تعطى اليه ببعضها
وتفنى من اجله شبابك

أأنتى التى تملئى
مكانها المتلئلئى
وهل انت تستطيعين
مابقيتى تحبين
ان تسحرى عينى
كي لا اري غيرك


قالت لى عنيد
بل وبالك شريد
تضرب اذنى بصوتاً
خارج من قلب كالحديد
فارنى كيف ستمضى
بدون حب جديد


قلت لها اذهبى
فان حبيبتى لى
وان كان غيرى امتلكها
فقلبها يحيا بى

قالت انك لموهوم
عاشق مجنون
وبعد ان امضى
ارنى كيف ستدوم
علاقه حب فى خيالك
خرجت من قلب مصدوم







الحلقة الثانية

فتمثلت في حبيبتي
وأخذت في خديعتي
في ظلمه غرفتي


قالت حبيبى الاولى
دوماً اعرف اننى
داخل قلبك مسكنى


فأمسك بيديَ وضمني


سحرت فؤادي بقولها
فأخذت أبكى لأجلها
واشتقت حقاً ضمها
فتقدمت بنحوها


نظرت بعيني في عينها
وأمسكت بيدي شعرها
وإذ فجئني ذيلها
فارتعشت بخوفها


فنظرت إليَ في ضجير
وقالت انك لاسير
أمامي حتى ترتضى
وإلا قتلك يا فقير


قلت لها تعنين
أنى أنا مسكين
ظهرت إليَ حقيقتك
وسأضرب رأسك بالسكين


قالت لي
معذرة
لم تعد لدي مقدره
أن أُمضى بغيرك يا حبيبي
وانك لات المقبرة


قلت لها سئمت
من أكاذيبك ولعنت
وان كان صدقاً قولكِ
لا أنصت له وأمنت

تدعونني للمقبرة
وأنتِ المتعسرة
لأن موتك بيديََ
فادعى الله بمغفرة


قالت انه لأخير
من موعظة ونذير
فأما أن تقبل حبي
وإلا سأجعلك تطير


فوق جحيم وعذاب
فتمضى بغير الأحباب
وتأتى حتى جحيمنا
وتطرق ساعتها الباب


قلت لها اتركيني
وأخذتُ أبكى بحنيني
على فراق حبيبتي
وقلت لها ذكرتينى
بأجمل أيام حياتي
ونغم العمر بيضنينى
فصرت ظمآن حيران
بدون أحداً يسقيني


قالت ما تشاء
فاكف عن البكاء
فان قلبي يحترق
وقلبك مطويٌ بغشاء






الحلقة الثالثة



قلت لها كيفما؟
وانأ احترق كلما
تأتى إليَ في خيالي
وأظل ابكي واندمَا

قالت حبيبى وصديقى
اسلك منهجى وطريقى
آتيت اليك لاننى
اعشق حنانك يا رفيقي


قلت لها مطلبي
لكِ أخيراً فاقتضى
ارني وجهها ثانيه
وتكوني بذلك مغرمي


قالت إلي ثانيه
أتمثل فيها ولو هي
قالت الي لا تفعلي
ولكن أحاسيسك غالية


قالت افعلها ولكن
تظل هادئا ساكن
فأن بكيت مره
لم تعد لديك أماكن


أماكن في قلبي تسكنها
فاَذهب إليها لأقتلها
تماسك قليلاً فتصلب
واقصص أحاسيسك وانقلها


قلت لها افعلي
اسرعى بها فأقبلي
عليا حبي الأولى
وحين تأتى تمهلي


قالت على استعداد
لأجلب لك الأحباب
فانك لقلبي عشقهُ
وفتحت كل الأبواب


أبواب قلبي المقفلة
لان حبيي اقبلَا
على جنيه ملعونة
ونسى أنى مغرمه


قلت لها فهمت
ألان وقد علمت
إتيانك اليَ محبوبة
لتسحري عيني با أعجوبة


قالت لاتسئ
فلم اعد أطيق
ظن السوء بشأني
وفى اى ساعة ستفيق


قلت لها الوقت
سيف لأجلى يقتلني
وها أنا ضيعت
منه المزيد ويطلبني

قالت ألان اريكها
في بلورتي مكانها
وعليك ألخيره بعدها
هي حبيبتك ام أنا


قلت لها الفجر
سياتى عما قريب
فاتركي ها الضجر
و اسرعى في التحليق


قالت ألان انه
شق السماء بنوره
يا ليت الوقت يعطيني
لكن رفض هناؤه


قلت لها تذهبي
ولم تفي مطلبي


قالت غدا ساأتيك
بحبك الرفيق
تنعم خلال وقته
فقد صرت إلى صديق









الحلقة الرابعه

اجلس وحدى هادئاً
فا الصبح يأتى دافئاً
وقد وجدت صديقهً
تقاصمنى الهدوء ساكناً


وجاء الليل لكننى
منتظر حبى يضمنى
حين تتمثل ثانيه
فتاتى التي تحبنى


جاءت الي بمقربه
محمره الاعين غاضبه
وحين رايت خيالها
وجدت قلبا متعبا


قلت لها البارحه
قلتى ستأتى فارحه
فمابال وجهك متعبا
ويعينك اراها سارحه


قالت انى رايته
معها يتقاسم نوره
فاخذت ابكى مثلك
وشعرت بحبك وحده


قلت لها تحبى
هذا الجنى وتمضى
وتاتى الىَ كلما
تركت فؤادى وقلبى


اخذت تبكى لحبها
تنعى وتحرق قلبها
انظر اليها مشفقا
وابكى معها بمحرقه


وضعت راسى براسها
ومسحت بيدى عينها
فا ادارت عنى وجهها
واذدادت فى بكائها


قلت لها تنعينى
ام تاتى الي لترضينى
فحبك اخزى جبينى
وقلبك ماعاد يطوينى


قلت لها ما الحب
حين يجلبه القلب


قالت حبيبك تعطهِ
كل حواسك مرضيهِ
تفنى شبابك جنبه
وتترك عمرك لاجلهِ


قلت لها فعتلى
وانا ايضا مثلكى
فما اخذنا حبهم
فغيرى مقالتى


قالت تحب لاننا
تعشق هواهم مثلنا
وان كانو غير محبينا
ستظل ابدا ملهمي




الحلقة الخامسه

أقبلت عليها أحادثها
بحديث كتاب العشاق
القلب كان يسامرها
والعين اليها تشتاق
فتحت أبواب معابدها
أتلوها سر الأشواق
سرحت والعين تراقبها
خشية ادبار وفراق

قالت والدمع بعينيها
يشتاق فؤادى لعناق
اياك تفارق يا أميري
رحماك ربي رحماك
قد كدت أغرق بعينيك
قالت اجفاني سترعاك

قلت سلمت عيناكي
سيدتي اني بحياتي
سأرعاك
قمر ينير ليا الدرب
اتفادى وخز الآشواك
سأعيش حياتي لارعاك
ما حن القلب لسواك
عيشي بأمان مولاتي
سأموت فداء لحماك






الحلقة السادسه

فى ليلة صيف قمريه
وبشط البحر
طلت بجدائل غجريه
من بين الصخر
قالت
أتقبل أن نبقى للفجر
ونحيا أحلى ليلى العمر
امام البحر وفوق الرمل؟
قلت نعم
قالت
هل أنت محترفا فى الحب؟
قلت
فقلبى مخلوق من حب
فكيف لاأحترف الحب
قالت
فانعم بالحب
قلت
أريد العشق
قالت
أتهوى العشق؟
قلت
وكيف لقلب لايعشق
وضناه الهجر فتمزق
قالت
قللى كلمات فى العشق
لكن
بهدوووء وبرفق
فارتجف القلب وقلت
سحقا لك سحق
فهممت وقلت
يا نفسى
ويا عمرى
ويا روحى
ويا بصرى
ويا سهرى
قالت...كف
فلتقسم أنك تعشقنى
ولقد أقسمت





الحلقة السابعه


قالت
ولأى درجات فى العشق
قلت
حد الثملى أو حد الموت
قالت
دعك من الموت
فماذا بعد الثملى
قلت
نعشق نترنح عالرمله
قالت
فادنو منى أو ادنو منك
قلت
وماذا بعد القرب
قالت حب
قالت..... قم
نغطس فى البحر
لكى أتنفس انفاسك
وأشتم رائحةالحب
حد الثملى
فدنوت فقلت
أحببتك
ووددتك تبقى بجوارى
فعشقك ماء يغسلنى
ويطفى لهيبى ودخانى
خديكى ربيع يدفئنى
من بعد البرد وآلامى
ورموشك شجر يظللنى
من طقس حار كالنار
وصدرك فرشى ومنامى
قالت
أجعل انفاسك بأنفاسى
وضع شفتيك على شفتى
اقبل بيديك وعانقنى
أقبلت..ودونت..فقلت
أهذا حلم








الحلقة الثامنه والاخيره

قالت
أنه حق
قلت ومن أين أتيتى بالحق
قالت
ماذا بك
فقلت أبدا لاشىء
لكن
فعليكى البدء
قالت
أخجل منك
لكن
أنتظر الدفء
قلت
أعشقكى بروحى وبصمت
أوليس الصمت..قمة عشق؟
قالت
لاأقبل صمت
قلت
فقط..لايكفى الحب
ان كنتى طالبة للحب
فعليكى الصمت
فالعشق يتبعه الحب
أو ان شئتى
حب يتبعه العشق
والأمر اليك
قالت
أريد الحب
قلت
أريد العشق
قالت
أنت على مفترق طرق
أريد الحب
وتريد العشق
والأمر اليك
فاخترت العشق
ولزمنا الصمت
حد الثملى
فاتانا العشق
واتانا الحب
فبقينا حتى انفلق الصبح
فوق الرمل
امام البحر
بقرب الصخر

...تابع القراءة

افهميني او سيبيني افهمك

افهميني

او حتي سيبيني افهمك

فهميني

إنتى ميين

انتي حب انتظرته

من سنين

ولا انتي

كدبة ووهم

سيباني عايشوا

انا ودموع العين

نفسي اعرف

انتي مين

تايه مابين أمرين

عتابي ليكي

مش اتهام

عتابي محتاج الكلام

مش كل كلمة

برفض وتهديد بالبعد

والحب محتاج انسجام

ماتهزهوش كلمه

او جمله .. أو سطرين

لازم نعاتب عشان

نقرب

الحب.. مش ساعه

وانا وانتى جواها.. عقارب

ممكن فى لحظه تضمنا

وفى لحظه... نبدا فى التباعد

افهميني

او سيبيني افهمك

ياتقربي او تبعدي

القرار في ايديكي انتي

ياتفهميني

او سيبين افهمك

...تابع القراءة

من اول نظره

من لحظت ماشوفتها
هذتلي كياني خدتني من نفسي
صحت فيا كل شيء منسي
**
عينيها فيها تحدي
وعزت نفس حتي وهي
بتطلب ودي
حسيت برجفه ورعشه و خفت
لأني عمري ما شفت
جمال ورقه بالشكل ده

**
روحت ساكت
و مش ساكت
راضي
و مش راضي
حسيت نداها في قلبي
ينادي يقول بحبك
من ساعة
نظرت عيونك صابتلي قلبي
شايفاها على طول قصاد عيني
و من الحيره
نزلت الدموع من عيني
**
سهمها صابني ف قلبي
لقيته اخترقني
دفا ملى همسي
وصراع كبير مع نفسي
يا ترى
لو بكره جالي بسرعه
ولقتها دايما جنبي
أكلمها وأعيش معاها
ولا أبعد وأنسي هواها
مش عارف أعمل ايه
ويا قلبي وحيرتي
في حبي

...تابع القراءة

مكتوب في بطاقتي الشخصية
انا دمي سكر زي الشهد
وملامحي ملامح مصرية
والنيل مرسوم جوه كفوفي
وعيوني لونها عسليه
وخدودي تلالك وهضابك
وصوابعي صوابع ذهبيه

ده ف بحرك الصافى
صوت نادى مجدافى
يا تشق قلب الموج
يا تلم أصدافى

بأشتاق أكون بحار
أرحل مع الأسرار
ولآخر المشوار
حملك على كتافى

مهما تاخدنى الريح
هأرجع بقلب صريح
وأنده على التفاريح
إبتسمى لا تخافى

إبنى فى قلبك قصر
حبك يفوق الحصر
ينده يقول يا مصر
حضن الوطن دافى

...تابع القراءة

أعلنت الحرب علي المنتدي

اسف وأعتزر لكل مشرف محترم واكن له كل تقدير 

ولكن كلماتي لها تبرير تعلمناه جميعا منذ الصغر 

فالحسنه تخص والسيئة تعم 
فمثلا اغلبيه الشعب المصري يقول ان الحكومه فاسده 
فهل معني ذلك انه لا يوجد بالحكومة شرفاء 
كلا بالطبع يوجد ولكن الحسنه تخص والسيئة تعم

واني احسست بالاهانه لي ولقلمي بدون تبرير سوي اني تناقشت في أحد المواضيع 

وكان نتيجة النقاش حزف الردود وترك رد واحد فقط لهذا المشرف 

مضمونه ومعناه بالنسبة لي هو انه علي حق في ردوده

وأني اخطات في حقه 

وأصبح امام المنتدي هو الملاك البرئ 

ومن وراء الجميع افاجاء برساله منه تصلني تصف كلامي بالتفاهه وهو ما أعتبره اهانه

فهل كلامي تافه لاني عضو عادي 

ام كلامي تافه لاني تجرأت وتحدثت وتناقشت 
واقسم بالله لو كان هذا المشرف فاتح اي وسيله اتصال به 
لما كنت كتبت هذا الموضوع اساسا 
ولكنه استخدم معي اسلوب الكر والفر 
فيراسلني ثم يغلق كل وسائل الاتصال به

فارجوا من الاعضاء والمشرفين الكرام الرد

وليثبتوا لي وللمنتدي مصداقيتهم في عدم التفرقه بين مشرف وعضو 

ولا يعاتبوني علي كلماتي فكما قلت

الحسنة تخص والسيئة تعم

وتلك هي القافيه حكمت 


أعلنت الحرب علي المنتدي 

اداره وحزبا طويل المدي

حكومة صغيره لبلد كبير 

نفاق رياء بعيد المدي

فياربي وحدك انت المعين

فهذا العضو شاغب

فهل من مراقب

تراهم يئنوا بضغطة زر 

فهذا العضو هالك

وان كان مشرف 

فهل من مراقب

تراهم يفروا فكيف

يكون لهذا  مراقب أومعاتب

كانه رسول اله العالمين 

ويظهر رياء ومكر الثعالب

افاجاء بجاني ويصبح قتيل 

فتلك الاداره حكومه صغيره 

لبلد كبير

وان كنت مخطئ فهل من مجيب

واني عليه بالدليل اجيب

فتلك رساله لمشرف عموم

أباح لنفسه كلام الاهانه

يظن أني مصري وأرضي المهانة

لا يعلم بأني ارد الاهانه 

بأدب وفكر وعقل صبور

لكل مكابر وظالم جهول

فتلك الاداره حكومه

صغيرة لبلد كبير

ويا من انت تملك زمام الامور

فاني اطالب برد اعتبار امام الحضور

...تابع القراءة

كلمه لمن يظن نفسه كبيرا

يا صحبي خلي الكلمه عنوانك
المعنى من الكلمه والمضمون هو عنوانك

كل كلمه وليها معني
معني يدي دمعه
ومعني يدي بسمه وكل معني بيكون اساسه كلمه

وياصاحبي لو فاكر نفسك كبير فالكبير

كبير بافعاله مش بسلطه وجاه ونفوز ماله
**
يا اللي
ربنا  اداك عقل ولسان تقول بيه كلمه
احفظها في قلبك وخلي عندك زمة
وقول الكلام بميزان
لأني بيه تقدر تلم وتجمع شمل الأمة
لمه تقف بكل همه في وش اللي
ال يجور علي صاحب الكلمه
**
وابعد عن التحريف وقول كلام يامه
واوعي تلبس الكلمه عمامه
خليك حر في كلامك صاحب راي ومشوره
وتكون الكلمه الحسنه عنوانك
**
يا صحبي
خلي الكلمه
سلام في زي هدؤ البحر
وفي القهر والاستهتار بالراي
تبقي موج عالي
زي غضبة البحر
وأحفر بالكلام علي الصخر
واياك تقول الطريق صعب
ده فيه
كلام من بواخته خساره فيه الرد
وكلام صاحبه دايما بيكون مليان نعر
**
ويا صاحبي
ما يكونشي الكلام للهجص
كله رقص وغنا وبس
وساعت الجد اللسان ينقص

**
يا صاحبي
خلّي كلامك صوته عالي
تفر منه التعالب والديابه

ماهو لو قفلت علي الكلام

بابك ها يبقى المر زادك
والصبر و الحنضل هما شرابك
اقولك الحق انت اللي بتجيبه 

لنفسك وفاكر اني الناس ممكن تهابك
**
يا صاحبي خلي كلامك
نور يشق العتمه في الضلمه
ليه عند شهادة الحق
تلاقي لسانك سكت وقال لا
ده افضلي اروح للشنق

وما يسكت لساني عن قول الحق
**
ولو لقيت مظلوم في محنه
اجعل في كلامك نغمه
نغمة ناقوس بيدق
هي
نبض لكل قلب رق
للمظلوم
وقرر يقول الحق
**
ويا اخواتي واصحابي
رب العباد ماخلق الكلام 

 للهجس والقر والنق والنعر
ده اتخلق للسلام
والحب وقول الحق
فاهمين ياناس 

ولا نعيدو من تاني

...تابع القراءة

قالت وقلت

يوم اللقاء وآه من لقياك

جميل ورائع لقياكي

فيا مرحبا بكي فاني 

عاشق في محراب هواكي

قلت لها هل لي حبيبتي ان اقبل شفتاكي

فاني اتوق لضمك وتزوق عسلك

قالت محال فقلت ومن افتاكي
قلت لها يا معشوقة الروح أعطفي
إني عاشق متيم في هــــــواكي
إني أغار من كل مايلمس شفتاكي
فلم تحرمي شفاهي عن شفــــتاكي
قالت حرمتك علي نفسي حتي 

تلبي النداء فاني واحمد ربي من الاتقياء
قلت لها هيا الي أبيكي فاني اتوق لهذا اللقاء
صمتت وحركت راسها في سرور

قالت ..حـبيبي..قلت لها لبــــاكـيِ
سكتت قليلا ثم
قالت "أحبك" قلت لها "أهــــواكي "

...تابع القراءة

افتح يا زمان دفاترك

افتح يا زمان دفاترك
بين لنا ايه فيها
احكي وقول يا زمان
خلي الورق مبدور
تشوفوا كل البشر
فكر آدم بآدم
يرجع من تاني بني أدم
فكر حوا بحوا
ترجع انسانه من جوا
افتح يا زمان دفاترك
====
قالوا الزمان اتغير
خلى البشر تتحير
ما حد عايز يعترف بخطاءه
للشر دايما فاتح الأحضان
فاكرين نفسهم  بني آدمين
وناسين قلوبهم من سنين
بشر مسعوره
بقلوب مهجوره
نفوسهم خاليه من المشاعر
و ما حد بحد شاعر
افتح يا زمان دفاترك
====
هاتلنا من تاني آدم
و حوا في زمن آدم
هاتلنا شاب وبنت
هاتلهم جنيه ولا حوريه
تاخدهم لعالم تاني
عالم بلا شرور
يبدؤا هناك من تاني

يمكن يعود الشاب ادم

وتعود البنت حوا من تاني
يمكن
قلوبهم تطرح قلوب
عن الحب ما توب
والدنيا بالقلوب تسعد
و الورده شوكها ما يجرح
افتح يا زمان الدفاتر
بين لنا ايه فيه

...تابع القراءة

رسالة من قلبى

ببعتلك رسالة من قلبى

ياأغلى حب في الدنيا عندي

حبك فى قلبى  ساكن  

في دمى بيسري في كل الاماكن

حب كبير يملاء كل الكون

ماتحده أبدا يوم حدود

حب أنهار مثل السيل

ماتوقفه ابدا يوم سدود

بحبك بحبك وهفضل أحبك

طول ماقلبي بينبض في صدري
 

وحتى بعد ماييجى الموت

هبعتلك طيفى ليلاتى يقولك

يقولك لسة الحب موجود

...تابع القراءة

نقاش بين الثعلب والحاكم

قال الثعلب للحاكم

إسمع منى وتعلم

ساقول لك قولا

لو أردت حكمك 

يبقي  راسخ دوما

 

أقتل كل من
 

يحمل قلما
 

ويملك فكرا
 

يكتب به قولا
 

أو يكتب به شعرا
 

يقوي به عزما
 

ويعطى للشعب أملا
 

فى غد مشرق
 

يكون فيه الحكم عدلا
 

فهم نار للثورة
 

ودليل الطريق دوما
 

فبدونهم الشعب موتي
 

ويغطون في النوم غطا
 

واكرم كل الكلاب من حولك
 

وأعطهم بدل العظم لحما
 

فتلك نصيحتي لك 

كي يبقي حكمك دوما

قال الحاكم للثعلب

نصحتني بايجاز فلو فعلت 

من يتبقي كي احكم

بل إسمع منى كلماتي
 

ولتعلم ان مكري قد 

فاقك الاف المراتي

إسمع ياثعلب وتعلم

لن ابداء في ابادة من

يملك من شعبى فكرا

ويجيد الكلمة أو يكتب شعرا

ساتركه يكتب ويثرثر

حتى يموت غيظا او يفقد املا

ومن يبقى منهم صامد

سأقتله بسجونى عمدا

وسازيد اللحم لكلابي

أما الباقى فيكفيه

إرهاب منى أو عزلا

ومادمت لأمريكا صديقا و محبا

مخلصا لها قالبا وقلبا

وعندي جيش جرار

وكلاب تتقفي الاثار

ولدى شعب طيب

لم يشكو يوما ويئن

فسيبقى حكمى راسخ

لأسلمه لولدي يوما

إسمع ياثعلب وتعلم

فمكري لايهزمه قلما

وسابقي احكم دوما

...تابع القراءة

راكب أتوبيس من المنشية

مره وانا في المنشية

طلعت في دماغي اركب عربيه
وفاجئني الجيب بالتفليس

مالقيت ادامي غير الاتوبيس
و عال جرالي فى الأتوبيس
وأنا طالع عند الباب
شوفت الشيخ ويا القسيس
اطمن قلبي وارتاح بالي 

قلت اكيد ابليس مش في الاتوبيس
إستبشرت الخيرودخلت
وياريتني ما كنت دخلت
ولا حتى كنت قعدت
بعد شويه
لقيت الدنيا
غير الدنيا
وجوه مخنوقه حر وزحمه
ويقولوا ده مفيش لحمه
خلطه عجيبه
من خلق غريبه
شباب و بنات
رجاله على ستات

وسمعت حاجات ولا في الروايات
راجل يحكي عني اللي مات 

والتاني يرد في اللي فات

***
جنبي راجل شكله موظف
اتاريه للمعاشات رايح يستعطف
وآدي ست وعماله تتنشف
عرقانه..زهقانه
قرفانه..وشكلها طهقانه
وخلق خلاص مش حملانه
يارب بعبيدك تتلطف

آه آه
خالي بالك يا سطي
قال
ماتخدش ف بالك وإتقل
آه آه
قلت لحد يكون تعبان
قال راحت أيام زمان
إنهارده لا في خشى
ولا في أمان
مات اللي إختشى
وجه جيل مجنون
الخشى مشي وراح لحاله
وبقينا في زمن اللي
يجيب جون
وال زييي..يا يساير الكون
يا إما يجلس وري الجون
بص كده علي الأتوبيس
تعرف إننا بقينا
في زمن المهاويس
***
وشاب واقف كده جنبي
وعم الكمساري جاي معدي
ياخده زغده
ألاقيه عليا مرمي
يا آخينا حاسب!
ده أنا بأعاتب
بصلي حته دين بصه
وقال ايه
عمال ينفخ ويفش
و لو طالني هايلطش فيا
على ايه أنا معرفش
ماهو أصل الواحد مغلطش
قلت ياريت الواحد
كان خد تاكسي من المنشية
***
لمحت بعيني راجل واقف 

بطريقه مزريه
لازق..لاحم فى ظهر بنيه
والبنت اللي  فاكرها مظلومه
من أخينا اللي عايز له شومه
اتاري ايديها في جيبه الخبيثه
  ولا حد يقول يا مغيث
آدي حالنا الهباب
جوه الاتوبيس كاننا في الدولاب
لا حد اتدخل ولا قال يا بوليس
وكأن النخوه  راحت من الأتوبيس
***
وبعد شويه خناقه شغاله
وكلام قبيح وقواله
زاد الهرك والمرك
والحر زودها رزاله
والكمساري
كل ما يهدي الحاله
راجل من هنا وست من هناك
بكلامهم يدو دبابيس
قوموها حريقه في الأتوبيس
نط الشيخ و وراه القسيس
في عز سرعة الأتوبيس
جه في وداني صوت بيهلل
إنت يا سواق يا منيل
ما تركن يا أخويا
إحنا عدينا العجمي
ولا إنت مش شايف يا احول
هوبا
يبقى أنا لازم أنزل
وعارف عشان أتنيل
أنزل
وكأني إبليس عشمان في الجنة
اتاري كان لازم أمسك الأمان
بمحطتين أو تلاته كمان
وادي اللي حصل لي في الأتوبيس
حمدت ربي اني نزلت بأمان

وقلت لنفسي لازم احكيلكم عالي كان
***

...تابع القراءة

اهداء لكل حبيبين في الفلانتين

حبيبتي لابسه الشيفون
زاد جماله بياض جسمها
على خصرها نطق الجيبون
نادى بجمال كسمها
صرخ العباد بجنون
سبحانه...أبدع في رسمها
**
حبيبتي حاطه برفان
ومغرقا بيه نفسها
بتمني تضمني لحضنها 
بتمني اكون نفسها
**
حبيبتي خدودها وردي
بيغير الورد من حمرتها
عليها كلام زي العسل والشهد
تقول مامتها نحله جايبالي بنت
زي العسل والشهد
حبيبتي بيغير النحل من عسلك
عليكي كلام زي الشهد
نشفتي ريقي من شوقي اشوف كسمك
والله بحبك اووووووووووووووووووي
واتمني ادوق عسلك

...تابع القراءة