إمتا يكون الشاعر فتنه؟!
ياأهل الفطنه
لما يلاعب كل الناس
او بقا تاجر للإحساس
بدون إحساس
طيب....ليه بتخبى حقيقتك؟!
ويا ملامحك
وملامحك...مش شرط ف صورتك
خايف الحلوه تبعد عنك؟!
وعايز الكل يحكى ف سيرتك؟!
إيه رأيك
انا عندى ضحايا...جم بالصدفه!
ضحايا لكذبك
تحب اذكرلك؟
أو اوصفلك؟
أيوا هاقولك....لو زاد فجرك
يااااأمير الحب ياصامد
ياوااد انتا ياحلو ياجامد
لازمك عزل....كعزلة خالد
لما عمر خاف تحصل فتنه
يبقا العزل ...بقالك فطنه
يحمى قلوب الناس م الغومّه
ونصيحه ياقمر فى الظلمه
اكتب مره عن حبايبنا
واكتب مره عن مصايبنا
واكتب مره عن مشاكلنا
فما أكثرها !!
يمكن مره نصيب أهدافنا
خدها نصيحه منى يامارد
يامارد العشق ..ياحلو ياجاامد
يمكن
يظهر لنا يوم خالد
سيف الله.... وامير الأمرا
ليست هناك تعليقات:
إرسال تعليق