يتسألينى أبقى مين؟!
أنا اللى حبك
من ملايييييين السنين
فى الكتاب
والكتاب محفوظ
من يوم ماربك.. خلق لنا الموازين
والدنيا دى... دنية حظوظ
حبيتها
وبئولها ياعالَم
من خلق آدم... للنهارده
وربنا العالِم
إن ألبى عن حب غيرها
زاهد.. وصايم
ومش خايف... يلومنى لايم
من يوم ماشافها
وإهو من ساعتها... فرحان وهايم
كأنه نايم
عالورود ..وسط الجناين
ولما بلمح ف طيف خيالها
ونور جمالها
بيسوى نور كل المداين
وكلمه واحده من لسانها
فى بحر شوق كانى عايم
والكلام بيكون تلاصم
لمَّا تسألنى انت مين
مقدرش أقول
انا اللى حبك من ملايين السنين
من خلق ادم للنهارده
من يوم ماربى خلق لنا الموازين
والدنيا دى دنية حظوظ
وانك طريقى المستقيم
لو تسمعى!!
ليست هناك تعليقات:
إرسال تعليق