عطش السنين

دمعة ألم
نزلت من عنيا
عليا
وعلى حالى
دمعة ألم
سالت
من ألبى اللى انظلم
منك ياغالى
ولا جاش فى بالك
ازاى انا
بقضى الليالى
شويا عليا
كلمة سهر
او قهر
ليلى مطر
وبنتظر
حكم القدر
مالك ياعينى بتدمعى
والدمعه سالت
مالك يا ألبى بترتجف
ليه خايف وليه ساكت
هى الحياه هربت
وللى بالنسبه ليك
مااااتت
خسااااره
ماكنتش اعرف
ان العشره عندك مالهاش تمن
ولاكنت أعرف
ان الظالم فى عرفك
هوه اللى انظلم
وجايا تانى وتسألى
انتى ايه؟! انتى مين؟!
انتى عمرى اللى مضى
انتى عشرة الايام
ويا السنين
انتى حب الماضى
مع الحاضر
انتى ليل عشقى اللى
مالوش آخر
انتى فناره البى
اللى هجرنى من سنين
وليك سافر
انتى اللى بدون رضاها
اكون تايه واكون خاسر
انتى اللى بكلمة حب منها
بكون فووق السحاب طاير
انا اللى أرجع وأسألك
انا اللى ايه؟
أنا اللى مين؟
جاوبينى وحياة اساوتك
وطمنى البى الحزين
او حرريه منك
لاني اسير فيكى وسجين
او أقتليه وادفنيه
تحت الجدار الطين
وازرعى له فرع اخضر
يمكن يظلله
ويعوضه
عطش السنين