قلنا هانبني قلنا هانرسم لامتي الصبر

قلنا هانبنى
أدينا بنينا.... بنينا العند
قلنا هانرسم
رسمنا الإيد...
محطوطا عالخد
قلنا هانفرح
لقينا الهم.. مابيتعد
قلنا هانزرع
زرعنا الشوك
وحرقنا الورد
قلنا هانجنى
جنينا المر
مكان الشهد
ونارالبعد
مين السبب
ولفين القصد
للحرمان؟ للتوهان؟
مش كفيانا بقا أحزان؟
وإمتى يطل علينا الفجر؟
وامتى
هانهدم سد الغدر
زهقنا ومللينا من الصبر
على الحرمان
على العيشه اللى فيها هوان
بعد ماهان
كل عزيز
سواء م الأهل ولخللان
بنار الهجر
ونقص البر
حتى لأولياء الأمر
كبار ف العمر
وسبناها مخضرا لغيلان
ولغربان
جابولنا القهر
لأمتى الصبر