ربينا زمان
عالصدق والإخلاص
وف أى شده نقف بجنب الناس
علمنى ابويا وامى
ماجرحش يوم احساس
فكرت كل الألوب
من دهب أو ماس
اتارى البشر كالمعادن
منها حديد ونحاس
ومنها زى الحجاره
ومنها كالترباس
ف الوب حنونه والوب حقوده
والوب شديده والوب ودوده
ماهى القلوب انواع
فيه الب طماع
والب خداع
والب زى الجحر
صعب تلاقى له قرار
وقلب زى العود
اجوف بدون اوتار
وقلب دايما تشوفه
تايه كده ومحتار
والب مغوار وتانى غدار
والب من شدة بياضه
بيشع بالانوار
وقلب من شدة سواده
ليله مالهش نهار
دنيا وفيها العجب
واسترها يا ستار
ليست هناك تعليقات:
إرسال تعليق