"توبة نصوحة"
يارب يا غفار يارحمن
يامنزل القرآن
خذ بايدى ياربى
وإغفرلى يامنان
جيتك طالب التوبة
نادم على إللى كان
وعازم مش هاعود
لسكة الشيطان
*****************
نور طريجى بهدايتك
وزود ف قلبى الإيمان
وإستر عليا عيوبى
وحببنى في القرآن
وأعنى دنا مسكين
ضحك عليا الشيطان
من غيرك بس يقبلنى
ويغفر لى ويرحمنى
إستجرت بيك فأجرنى
وعن بابك ماتطردنى
ومين ألجأ إليه
مضطر مالى حد
وخايف من قوتك
وقوتك مالها حد
وراجى فى رحمتك
وبأمل فى جنتك
الكون خاضع إليك
من خشيتك الجبل إنهد
كل الطرق تنسد
وبابك انت ما ينسد
توبة نصوحه
يا رب
اقبلها مني
ليست هناك تعليقات:
إرسال تعليق