اعلام الخطايا

تعبني عقلي يامه
من كتر القرايه
تعبني عقلي يامه
من اعلام الخطايا
اعلام ولابس عبايه
واعلام قليل الربايه
الاول يزوق ويعلي اصحاب البلايا
ووالتاني قاعد وفارش الملايا
وعشان
احنا غلابه وعلي نيتنا يامه
مش بنفهم
اللي بين السطور
اللي يعلي صوته يقولوا عليه فجور
واللي يصرخ يجيبولوا ميت سطور
كل فكر وله معني 

وناس كتير بتسمعلوا وتسمعنا
كله

بيتمني يشوف جنايه

وناس كتير اصبحت لعبتها الخيانه
***
كلمه
تخلينا نقوم ونقف ونرفع لصاحبها الرايه
مره
تخلينا اصحاب عزه وكرامه
ومره
تخلينا  نقف ونطلب الهدايه
هوا إحنا
لسه قصر وفرضوا علينا الوصايه
ولا إحنا
مالناش عقول
فى لحظه
نمشي وري مخبول
أو وري واحد
اللي جوه ضميره مجهول
وهوه أصلا
في الحقيقة غول
و في النهاية
نرجع اسواء ماروحنا من البدايه
تعبني عقلي يامه
***
بأحلم
باعلام اسمه اومو ولا رابسوا
ينضف
العقول من كل كدبه من اعلام الخطايا
معلش
القافيه حكمت ياصحاب العقول واصحاب البلايا
والضحكه ههههههه
تيجي من شر البلايا
تعبني عقلي يامه

من اعلام الخطايا